Փաշինյանը ավտոմաքսատանը աշխատանքից ազատելու հրահանգներ տվեց (ուղիղ)

Հայաստան 09.04.2019   10:00   290

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Վարչապետ Նիկոլ Փաշինյանն այսօր Նորագավիթի ավտոմաքսատանը շրջայցի ընթացքում նկատեց, որ տարածքն անբարեկարգ է ու խիստ զայրացավ:

«Սա խայտառակ, կեղտոտ վիճակ ա: Սա վերաբերմունք ա մեր դրոշին ու զինանշանին: Պարգևավճարները պակասեցրեք, տարածքը կարգի բերեք», - ասաց նա:

Փաշինյանը մտավ աշխատասենյակներից մեկը, հետո դուրս եկավ ու բարկացած ասաց.

«Բոլորն ազատվեն աշխատանքից, ովքեր այստեղ աշխատել են, բոլորը հեռացվեն աշխատանքից»:

Նրան ուղեկցող ՊԵԿ նախագահ Դավիթ Անանյանը հայտնեց, որ տարածքը վարձակալությամբ է տրված և ՊԵԿ-ին չի պատկանում։

«Որ տուն ենք վարձում՝ ապրենք, ասո՞ւմ ենք` ոչինչ խոզանոց ա, մերը չի, չե՞նք մաքրում էդ տունը, այդ պայմաններում պե՞տք է ապրենք, չե՞նք մաքրում: Այստեղ նայելու բան չկա, մի ամսից կգանք կնայենք»,- նշեց Փաշինյանը։

Լրագրողների հարցին, թե հնարավոր չէ արդյո՞ք նկատողություններով հարցը փակել, վարչապետը ասաց՝ եթե դրոշի հետ կապված չլիներ հարցը, հնարավոր կլիներ:

Փաշինյանը նաև կարգադրեց կարգի բերել ամբողջ մաքսատունը՝ մաքրությունը պատշաճ վիճակում պահել, անել գծանշումները և այլն 

Մաքսատանը շրջայց կատարելու ժամանակ ՀՀ վարչապետ Նիկոլ Փաշինյանին մոտեցավ ՀՀ քաղաքացիներից մեկը և բողոքեց, որ իրենց պետհամարանիշ չեն տրամադրում։

«Պետավտոտեսչությունը մեզ պետհամարանիշ չի տրամադրում, որ մարդիկ այն տեղադրեն ու գնան իրենց երկիր, ասում են` թիթեղ չկա»,– ասաց նա։

Ի պատասխան Փաշինյանը տեղում զանգեց ՀՀ ոստիկանապետ Վալերիյ Օսիպյանին։

«Էս ի՞նչ պատմություն ա, պարոն Օսիպյան։ Պետհամարանիշ չկա, որովհետև թիթեղ չկա»,–հարցրեց Փաշինյանը։ Հետո լսեց Օսիպյանի պատասխանը և ավելացրեց. «Եթե անցած տարվանից գիտեինք, պետք էր կանխատեսել։ Դե արագացրեք»։

Զրույցն ավարտելուց հետ վարչապետը պարզաբանեց` ներկրվող մեքենաների շատ մեծ ծավալ է գալիս Հայաստան ու, չնայած Օսիպյանն ասաց, որ իրենք կանխատեսել էին դա, սակայն կանխատեսածից շատ է եղել մեքենաների քանակը։

«Հիմա թիթեղը հասել է Փոթի ու գալիս է Երևան,– ասաց Փաշինյանն ու կատակեց,– крепитесь, запад нам поможет»։
 

 

 Լուսանկարներ

  Կիսվեք սոցցանցերում


 Պիտակներ
         Նիկոլ Փաշինյան, Նորագավիթ մաքսակետ, մաքսակետ

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon