«Ժողովուրդ». Նախկին նախագահները Փաշինյանի դեմ օգտագործում են ՌԴ կապերը

Մամուլ 12.02.2019   09:25   79

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Թավշյա հեղափոխությունից հե­տո շատ էր խոսվում այն մասին, որ Նիկոլ Փաշինյանի՝ վարչապետ դառնալուց հետո սրվել են ՀՀ-ի և ՌԴ-ի հարաբերությունները, իսկ Փաշինյանն էլ դրանց կարևորություն չի տալիս: Սակայն մինչև այսօր երկու երկրների ղեկավար­ները բազմաթիվ հանդիպումներ են ունեցել և քանիցս վերահաս­տատել հարաբերությունները շա­րունակելու պատրաստականու­թյունը: Նախկինում վատատեսական հայտարարություններ էին հն­չեցնում նաև ռուս փորձագետնե­րը: Այս աոնչությամբ «Ժողո­վուրդ» օրաթերթը մի քանի հարց է ուղղել ռուս քաղաքագետ Ալեք­սանդր Սկակովին:

- Պարոն Սկակով, ինչպե՞ս կբնութագ­րեք հայ-ռուսական հարաբերություննե­րը. նախկինում վատատեսական մոտե­ցումներ էին հնչում:

- Գիտեք, ես խնդիրներ շատ չեմ տե­սել: Իսկ թավշյա հեղափոխությունից հետո խնդիրները ոչ ադեկվատ իրավի­ճակի պատճառ էին միայն: Այստեղ հարցը ո՜չ ներկայիս, ո՜չ էլ նախկին իշ­խանությունների մեջ չէ, այլ Հայաստա­նի և ՌԴ-ի շահերի համատեքստը: Իսկ երկու երկրների հարաբերությունների առումով ես շատ լուրջ խնդիրներ չեմ տեսնում, ճգնաժամ չի եղել: Խնդիրներ կան և եղել են ու կարող են լինել, դա անխուսափելի է:

- Ի՞նչ խնդիրների մասին է խոսքը:

- Խնդիրներ կան, օրինակ, Ռուսաս­տանի կողմից Ադրբեջանին զենք վա­ճառելու հարցում, որը որոշակի էմո­ցիաներ է առաջացնում Հայաստա­նում: Խնդիրներ կան, օրինակ, նախ­կին իշխանությունների այն ներկայա­ցուցիչների հետ, որոնք ունեն իրենց կապերը ՌԴ-ում և ակտիվորեն աշ­խատում էին Նիկոլ Փաշինյանի իշ­խանության դեմ:

- Ո՞ւմ նկատի ունեք:

- Նախկին իշխանություններին, նախ­կին նախագահներին, որոնք, իհարկե, լավ հարաբերություններ ունեն ՌԴ իշ­խանությունների հետ:

- Կարեն Կարապետյանին և’ս նկատի ունեք:

- Ոչ, ես նկատի ունեմ ՀՀ նախկին նախագահներին, ոչ թե նախկին վարչապետին: Օրինակ՝ Ռոբերտ Քոչարյանին և Սերժ Սարգսյանին. հենց նրանք են փորձում այդ կապերն օգ­տագործել Նիկոլ Փաշինյանի իշխա­նության դեմ: Խնդիրներ, իհարկե, կա­րող են առաջանալ նաև այլ պետու­թյունների հարաբերությունների հետ կապված:

- Վերջերս արդեն հրապարակվել է Նիկոլ Փաշինյանի կառավարության ծրագիրը, և բոլորը նկատեցին, որ ծրագրում ՌԴ-ի, ՀԱՊԿ-ի և ԵԱՏՄ-ի հետ հարաբերություններն առաջնային են՝ ի տարբերություն նախկին կառա­վարությունների ծրագրերի: Դա զար­մանալի՞ էր Ռուսաստանի համար:

- Ո՜չ, այդ հարցում ոչ մի զարմանալի բան չկա: Նիկոլ Փաշինյանի ծրագրում տեղ գտած դրույթները միանշանակ տրամաբանված են դեռևս, և մինչ այժմ որևէ լուրջ սխալներ չկան: Դեռ ամեն ինչ հանգիստ է ընթանում:

- Վերջին շրջանում նկատում ենք, որ Ղարաբաղյան կոնֆլիկտի հարցում հաճախակի հանդիպումներ և զրույց­ներ են ընթանում Հայաստանի և Ադրբեջանի ղեկավարության միջել: Ըստ Ձեզ՝ մոտակա ժամանակաշրջանում որևէ լուծումներ հնարավո՞ր են:

- Ես մոտակա ժամանակներս չեմ տեսնում հակամարտության լուծման հնարավորություն: Բանն այն է, որ եր­կու կողմերի համար չկա հիմնականը, որը պետք է հանդիսանա զրույցի թե­մա: Իսկ այն, որ հանդիպումներ հա­ճախ են լինում, նորմալ է: Պետք է փորձել հարաբերություններ հաստատել, նորից երկխոսություն սկսել և գտնել կոնտակտի, փոխհարաբերությունների եզրեր: Իհարկե, կա վտանգ այն առու­մով, որ Նիկոլ Փաշինյանն անփորձ է, իսկ, ահա, Իլհամ Ալիևը մեծ փորձ ու­նի, սակայն չի եղել այնպիսի բան, որ Ալիևն իր փորձառությամբ առաջ անց­նի Փաշինյանից:

- Իսկ ի՞նչ դերակատարում ունի ՌԴ-ն հակամարտության լուծման հարցում, քանի որ ասում են՝ ԱՄՆ-ն ավելի ակ­տիվ է:

- Ես, ճիշտն ասած, ԱՄՆ-ի կողմից այդքան մեծ ակտիվություն չեմ նկա­տում, և ՌԴ-ի կողմից էլ շատ ակտի­վություն չկա: Ամեն ինչ նույնն է: ԱՄՆ-ն ունի այժմ մեծ խնդիրներ, և այդ կոնֆլիկտը ԱՄՆ-ի համար, օրինակ, ոչ թե հինգերորդ, այլ նույնիսկ հիսունե­րորդ տեղում է:

- ԱՄՆ-ն ասում է՝ այդ հարցը ՌԴ-ն կարգավորելու է ուժային ճանապար­հով, Ձեր կողմից այլ հայտարարու­թյուններ են հնչում: Ի վերջո, ի՞նչ է ստացվում:

- Ասել կարելի է ամեն ինչ, սակայն Մինսկի խմբի շրջանակներում ՀՀ-ի և ՌԴ-ի կողմից կոնտակտ կա, և որևէ խնդիրներ չեն առաջանում:

Ամբողջական՝ թերթի այսօրվա համարում

 Լուսանկարներ

  Կիսվեք սոցցանցերում


 Պիտակներ
         «Ժողովուրդ», Ալեք­սանդր Սկակով

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon