Հայ Առաքելական Եկեղեցին նշում է

Օրացույց 22.12.2018   09:00   85

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Հիշատակը Ս. Բարսեղ հայրապետի, նրա եղբայր Գրիգոր Նյուսացու, Սեղբեստրոս Հռովմա հայրապետի և աբբայ Եփրեմ Խուրի Ասորու

Ս. Բարսեղ Մեծ արքեպիսկոպոս Կեսարացին ծնվել է 330թ. Կեսարիայում, հայտնի քրիստոնյա հարուստ ընտանիքում: Սկզբնական կրթությունը ստացել է հորից, այնուհետև ուսանել է Կեսարիայի լավագույն ուսուցիչների մոտ, հետո՝ Անտիոքում: 301թ. Կ.Պոլսում ուսումը շարունակել է նշանավոր հռետոր Լիբիանոսի դպրոցում, այնուհետև՝ Աթենքի համալսարանում ուսումնասիրել է քրիստոնեական վարդապետություն, ճարտասանություն, փիլիսոփայություն, աստղագիտություն, երկրաչափություն, բժշկություն: Վերադառնալով Կեսարիա՝ Գրիգոր Աստվածաբանի հետ ուսումնասիրել է Աստվածաշունչը, հաղորդակցվել եկեղեցու հայրերի և ուսուցիչների ժառանգության հետ: Գրիգոր Աստվածաբանի հետ կազմել է «Սուրբ Գիրքը և նրա մեկնաբանը՝ Որոգինեսը» աշխատությունը: Կեսարիայում կառուցել է 2 մենաստան: Մահացել է 379թ. հունվարի 1-ին, 49 տարեկանում:

Գրիգոր Նյուսացին Ս. Բարսեղ Կեսարացու կրտսեր եղբայրն էր: 372թ. Կապադովկիայի Նյուսա քաղաքի եպիսպոկոսն էր: Նա իր եղբոր հետ անդուլ պայքարել է արիոսականության դեմ, ինչի համար հալածվել է և արիոսամետ Վաղես կայսրը նրան աթոռազրկել է ու աքսորել: 379թ. նա մասնակցել է Անտիոքում գումարված ուղղափառ եպիսկոպոսների ժողովին: Որպես թեմական քննիչ և տեսուչ՝ ուղարկվել է Պոնտոսի, Պաղեստինի և Արաբիայի թեմերը՝ ամրապնդելու ողղափառության դիրքերը՝ զսպելու արիոսականների և մյուս հերձվածողների անկարգությունները: Գրիգոր Նյուսացին 381թ. մասնակցել է Կոստանդնուպոլսի Բ տիեզերաժողովին և Գրիգոր Նազիանզացու հետ վճռական դեր խաղացել Նիկիական հանգանակը պաշտպանելու և Մակեդոնի հերձվածը դատապարտելու գործում: Ապրել է խոր ծերություն: Խաղաղ մահացել է Կ. Պոլսի տաճարում: Սուրբն Ընդհանրական եկեղեցու նշանավոր հայրապետներից է, Հայ Առաքելական եկեղեցու համաքրիստոնեական տոնելի սուրբ հայրերից, ովքեր հայտնի են «երկոտասան վարդապետք» անունով:

Սեղբեստրոսը (314-335) ծնվել է Հռոմում: Հոր մահից հետո, ուսուցիչը նրան կրթության է տվել և դաստիարակել որպես ճշմարիտ քրիստոնյա: Չափահաս դառնալով՝ նա կատարել է Աստծո պատվիրանները՝ ծառայել մերձավորներին, օգնել թափառականներին: Քսան տարուց ավելի նա ղեկավարել է Հռոմի եկեղեցին՝ վայելելով քրիստոնյաների հարգանքը: Նա խաղաղ մահացել է 335թ., խոր ծերության հասակում:

Ս. Եփրեմ Խուրի Ասորին ապաշխարության ուսուցիչ է: Ծնվել է 306թ. Եդեսիայում, քրիստոնյա աղքատ հողագործի ընտանիքում: Նախնական կրթությունը ստացել է Մծբինում: Ծնողները նրան բարեպաշտ էին դաստիարակել, սակայն մանկուց առանձնահատուկ բնավորություն ուներ և հաճախ կատարում էր չմտածված արարքներ: Մի անգամ նրան մեղադրել են ոչխարի գողության համար և բանտ նստեցրել: Երազում նա լսել է ձայն, որ կանչում էր ապաշխարության՝ կյանքն ուղղելու համար: Պատանուն արդարացրել են և ազատ արձակել: Նա ցանկացել է ապաշխարել և առանձնացել մերձակա լեռներում, դարձել ճգնավոր: 363թ., երբ պարսիկները գրավել են Մծբինը, նա ստիպված վերադարձել է Եդեսիայի մոտ գտնվող մենաստան, որտեղ հանդիպել է շատ ճգնավորների, ովքեր իրենց կյանքը շարունակել են աղոթելով: Ս. Եփրեմ Խուրին ճգնավորական աշխատանքով համարվել է Աստծո Խոսքն անդուլ ուսուցանող: Աստված նրան ուսուցչի շնորհ է տվել, նրա մոտ են եկել մարդիկ՝ լսելու նրա խրատները: Սուրբն ուսուցանել է բոլոր մեղքերի խոստովանությունները, հավատքը և բարեպաշտությունը: Կռապաշտները, լսելով սրբի քարոզները, քրիստոնյա են դարձել: Գրել է շատ աղոթքներ և հոգևոր երգեր: Եկեղեցին դարեր շարունակ բարձր է գնահատել սրբի ավանդը: Նա գրել է ասորերեն, բայց նրա մեկնությունները շատ վաղ թարգմանվել են հունարեն, հայերեն, լատիներեն նաև սլավոնական լեզուներով: Ս. Եփրեմ Խուրի Ասորին կյանքի վերջում մեկնել է Եգիպտոս և 8 տարի ճգնել Թերոդիտի նշանավոր մենաստաններում:

 Լուսանկարներ

  Կիսվեք սոցցանցերում


 Պիտակներ
         Գրիգոր Նյուսացի, եկեղեցական տոներ, Ս. Բարսեղ Մեծ արքեպիսկոպոս Կեսարացի, Հայ Առաքելական Եկեղեցի, Ս. Եփրեմ Խուրի Ասորի, Սեղբեստրոս

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon