«Համանախագահների հայտարարությունը հակասում է հայկական կողմի նախկինում պահված սկզբունքային մոտեցմանը»

Քաղաքական 11.03.2019   13:00   139

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

ԱԺ «Լուսավոր Հայաստան» խմբակցության ղեկավար Էդմոն Մարուքյանն ԱԺ ճեպազրույցների ժամին անդրադառնալով ԵԱՀԿ Մինսկի խմբի համանախագահների վերջին հայտարարությանը` նշեց, որ հայտարարությունը բավական մտահոգիչ է:

«Մենք նախընտրական փուլում հայտարարել ենք, որ աջակցում ենք իշխանության բոլոր այն ջանքերին, որոնցով փորձ է արվում ԼՂՀ ներկայացուցչին ներգրավել և ետ վերադարձնել բանակցային սեղան: Մենք շարունակում ենք աջակցել այդ մոտեցմանը:

Հայտարարության մեջ բացի այն, որ մտահոգիչ այլ ձևակերպումներ էլ կան, ամենամտահոգիչն այն է, որ ասվում է՝ «ԼՂ իրավական կարգավիճակի ապագա որոշակիացում իրավաբանորեն պարտադիր կամքի արտահայտման միջոցով»:

Սա, ըստ էության, հակասում է հայկական կողմի նախկինում պահված սկզբունքային մոտեցմանը, որ Արցախի հանրապետության քաղաքացիները 1991 թ. դեկտեմբերի 10-ին հանրաքվեով ինքնորոշվել են, և սա պարտադիր իրավաբանական ուժ ունի: Համենայնդեպս, մեր կողմը միշտ սա պնդել է, սա տեղի ունեցած փաստ է և հիմա կրկին պնդել, որ նման հանրաքվե պետք է անցկացնել, նշանակում է հաշվի չառնել նախորդը, կամ ինչ-որ կերպ պետք է նշվի, որ այդ հանրաքվեն եղել է»,- ասաց Մարուքյանը:

Այսօր խորհրդարանական ճեպազրույցների ժամանակ ԲՀԿ խմբակցության պատգամավորները հայտարարեցին, որ համանախագահների հայտարարության մեջ մտահոգիչ կետեր կան:

«Այդ հայտարարության մեջ որևէ դրույթ չի խոչընդոտում Արցախի բնակչության իրավունքների պաշտպանությանը: Հայտարարությունը և՛ մտահոգիչ է, և՛ մտահոգիչ չէ, այսօր  խորհրդարանական ճեպազրույցների ժամանակ հայտարարեց «Իմ քայլը» խմբակցության պատգամավոր Վլադիմիր Վարդանյանը

Հիշեցնենք, ԵԱՀԿ Մինսկի խմբի համանախագահները երեկ  հայտարարություն են տարածել Ադրբեջանի նախագահի և Հայաստանի վարչապետի սպասվող հանդիպման մասին:

Պաշտոնական Բաքուն ողջունում է ԵԱՀԿ Մինսկի խմբի համանախագահների հայտարարությունը, որն ազդակ է Հայաստանի համար։ Այդ մասին հայտնում է «Թուրան» գործակալությունը՝ վկայակոչելով Ադրբեջանի արտգործնախարարության մամուլի խոսնակի պաշտոնական մեկնաբանությունը:

 Լուսանկարներ

  Կիսվեք սոցցանցերում


 Պիտակներ
         Էդմոն Մարուքյան, ԵԱՀԿ ՄԽ, ԼՂ, ադրբեջան, «Լուսավոր Հայաստան»

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon