ԲՀԿ. Համանախագահների հայտարարության մեջ մտահոգիչ կետեր կան

Քաղաքական 11.03.2019   12:00   75

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

«Բարգավաճ Հայաստանն» անընդունելի է համարում առանց Արցախի ժողովրդի մասնակցության՝ Արցախի հետ կապված ցանկացած հարցի որոշում, մարտի 11-ին խորհրդարանական ճեպազրույցների ժամանակ ասաց ԱԺ ԲՀԿ խմբակցության պատգամավոր Իվետա Տոնոյանը՝ պատասխանելով ԵԱՀԿ Մինսկի խմբի համանախագահների վերջին հայտարարության մասին հարցին: 

«ԲՀԿ-ի դիրքորոշումն այն է, որ Արցախի ճակատագրի հետ կապված որևէ հարց չի կարող որոշվել առանց Արցախի, Արցախի ժողովրդի մասնակցության: Մնացած քաղաքական գործընթացներին մենք կանդրադառնանք»,-ասաց Տոնոյանը:

Անդրադառնալով ԵԱՀԿ Մինսկի խմբի համանախագահների՝ Փաշինյան-Ալիև առաջիկա հանդիպման վերաբերյալ հայտարարությանը՝ Տոնոյանը նշեց, որ հայտարարության մեջ շատ մտահոգիչ կետեր են տեսնում:

ԲՀԿ խմբակցությունից Շաքե Իսայանը նույնպես մտահոգիչ է համարում ինչպես Մինսկի խմբի համանախագահների հայտարարությունը, այնպես էլ դրան ադրբեջանական կողմի արձագանքը: 

Բոլորս էլ գիտենք, որ վերջին շրջանում Ադրբեջանի քաղաքական էլիտան շեշտադրել է ուժի գործադրման գործոնը: Դա մեզ համար անընդունելի է»,-նշեց պատգամավորը:

«Այդ հայտարարության մեջ որևէ դրույթ չի խոչընդոտում Արցախի բնակչության իրավունքների պաշտպանությանը: Հայտարարությունը և՛ մտահոգիչ է, և՛ մտահոգիչ չէ, այսօր  խորհրդարանական ճեպազրույցների ժամանակ հայտարարեց «Իմ քայլը» խմբակցության պատգամավոր Վլադիմիր Վարդանյանը

Հիշեցնենք, ԵԱՀԿ Մինսկի խմբի համանախագահները երեկ  հայտարարություն են տարածել Ադրբեջանի նախագահի և Հայաստանի վարչապետի սպասվող հանդիպման մասին:

Պաշտոնական Բաքուն ողջունում է ԵԱՀԿ Մինսկի խմբի համանախագահների հայտարարությունը, որն ազդակ է Հայաստանի համար։ Այդ մասին հայտնում է «Թուրան» գործակալությունը՝ վկայակոչելով Ադրբեջանի արտգործնախարարության մամուլի խոսնակի պաշտոնական մեկնաբանությունը:

 

 Լուսանկարներ

  Կիսվեք սոցցանցերում


 Պիտակներ
         ադրբեջան, ԼՂ, ԲՀԿ, ԵԱՀԿ ՄԽ

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon