Այսօր Կինոյի միջազգային օրն է

Տեղեկատու 28.12.2018   09:15   81

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Այսօր նշվում է աշխարհի բոլոր կինոսիրողների ու կինեմատոգրաֆիստների օրը: 1895 թ. դեկտեմբերի 28-ին Փարիզում` Կապուցինների բուլվարի «Գրանդ կաֆե» սրճարանում, տեղի ունեցավ Լյումեր եղբայրների սինեմատոգրաֆի առաջին սեանսը: Հենց այդ օրն էլ դարձավ Կինոյի միջազգային օրվա տոնակատարության օրը:

Մինչ այդ` նույն 1895 թ., Օգյուստ և Լուի Լյումերները ստացել էին իրենց ստեղծած գործիքի` «Սինեմատոգրաֆի» պատենտը: Իսկ 1895 թ. մարտի 22-ին եղբայրները կազմակերպել էին Փարիզում առաջին կինոցուցադրությունը` ընկերների նեղ շրջանում ցույց տալով «Բանվորների ելքը Լյումեր գործարանից» կարճ ժապավենը:

Սակայն կինոյի ծննդյան օրը համարվում է 1895 թ. դեկտեմբերի 28-ը, երբ «Գրանդ կաֆեում» արդեն լայն հանրությանը ներկայացվեց առաջին կարճամետրաժ ֆիլմը` «Գնացքի ժամանումը Լա Սյոտա կայարան»: Դա իսկական խուճապ առաջացրեց հանդիսատեսների մեջ. նրանք ճչում ու փախչում էին դահլիճից` կարծելով` էկրանից մոտեցող գնացքը կճզմի իրենց:

Առաջին կինոցուցադրությունը Հայաստանում` Երևանում, կայացել է 1899 թ.: Եվ այստեղ էլ շարժվող նկարները նույնպիսի խուճապ են առաջացրել, ինչ աշխարհի տարբեր վայրերում: Իսկ հայկական կինոյի օրը համարվում է ապրիլի 16-ը, քանի որ 1923 թ. Խորհրդային Հայաստանի կառավարությունը դեկրետ ընդունեց «Կինոյի մասին» և ստեղծեց առաջին պետական կինոկազմակերպությունը:

Այս օրերին տարբեր ճանաչողական միջոցառումներ են կազմակերպվում կինոաշխարհում, մասնավորապես` հատուկ ծրագրեր կինոթատրոններում, ցուցահանդեսներ կինոյի թանգարաններում և զբոսանքներ խոշոր կինոստուդիաներում: Մենք, ցավոք, թանգարան չունենք և կորցրել ենք երբեմնի կինոթատրոններն ու «Հայֆիլմը», մեր կինոյի իրեղեն պատմությունը մնացել է փակ դռների հետևում:

Սակայն չենք կորցրել հույսը, որ առաջինը ստեղծելու ենք, կինոթատրոններն ու կինոստուդիան` վերականգնելու: Ուրեմն հուսանք, որ Կինոյի միջազգայի օրը հետագա տարիներին մեզ մոտ էլ կնշանավորվի հետաքրքիր միջոցառումներով, ինչպես ամբողջ աշխարհում:

 Լուսանկարներ

  Կիսվեք սոցցանցերում


 Պիտակներ
         Միջազգային տոներ, օրացույց, դեկտեմբերի 28, դեկտեմբեր

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon