Արման Գալոյան. «Պատկերն ահավոր էր: Ցնցված եմ»

Խոսք 09.05.2019   10:30   674

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Երեկ ժամանակ տրամադրեցի ծանոթանալու մարտի 1-ի գործով վերջերս հասանելի դարձած նյութերին: Հիմնականում նախկին ու ներկա բարձրաստիճան պաշտոնյաների, ոստիկանության եւ ՀՀ ու ԼՂՀ զինված ուժերի սպաների ցուցմունքներ էին: Գլխավորապես 2008թ. փետրվարի 23-ից սկսած տեղի ունեցածի մասին էր՝ սահմանադրական կարգը տապալելու դրվագի շրջանակներում:

Պատկերն ահավոր էր: Ցնցված եմ պարզապես:

Մարտիմեկյան հանցագործությունն իր մասշտաբներով, իրականացման եղանակներով այլ կերպ քան պետության եւ ժողովրդի դեմ հրեշավոր ոճրագործություն, նենգ դավադրություն, եթե կուզեք՝ ազգային պետական դավաճանություն դժվար է որակել: Սրանք ամենամեղմ որակումներն են, որ կարելի է տալ, տեսնելով, թե ինչպես են ոմանք իշխանությունը չկորցնելու համար գնացել ամենաեղկելի քայլերի, չեմ վարանի ասել, ընդհուպ մինչեւ պետական դավաճանության: 

Իսկապես, ինչ որակում տալ կատարվածին, երբ ոչ միայն ՀՀ ԶՈՒ-ն են ներգրավել ներքաղաքական պրոցեսներում /խախտելով ՀՀ սահմանադրությունը/, այլեւ Ղարաբաղից հենց սահմանից զորք ու հատուկ նշանակության ջոկատ բերել Երեւան՝ ժողովրդի դեմ հանելու համար: Ինչպես են ընտրել նրանց, ինչ չափանիշներ են սահմանվել, ինչ հանձնարարականներ են տրվել, ինչպես են նրանց հրահանգավորել՝ պատրաստ լինել հարկ եղած դեպքում ժողովրդի վրա կրակելու համար: 

Ու այդ ամենի արդյունքում տեւական ժամանակ պարզապես թուլացել է երկրի սահմանների պաշտպանվածությունը: Փառք Աստծո էլի մեր տղերքի ոգու եւ ուժի շնորհիվ հնարավոր էր եղել պահել սահմանը, իսկ մարտի 3-ին դիվերսիոն հարձակման հետեւանքով դիրքերը կորցնելուց հետո, որոշ ժամանակ անց նորից դրանք ետ են բերվել:
Իսկապես զարհուրելի է:

Ու եթե անկեղծ, հիմա իսկապես մտածում եմ՝ արժի արդյոք հանրությունը ողջ ծավալով տեղեկանա այս գործի մասին, իմանա՝ ով, ինչպես, ինչ է արել: Արժի ճշմարտւթյունը մինչեւ վերջ ներկայացնել, որովհետեւ հետեւանքներն առավել քան լուրջ կարող են լինել: Այդ թվում՝ առավել քան վտանգված կարող է լինել մարտիմեկյան ոճրագործների, այդ գործում տարբեր դրվագներով իրենց մասնակցությունն ունեցած անձանց կյանքը, ՀՀ-ում հետագա բնակվելու հեռանկարը, երբ նրանց համար անգամ Երեւան-Կենտրոն ՔԿՀ-ն չի կարողանա պատսպարվելու ապահով վայր դառնալ:

Արժի արդյոք հասարակությունն իմանա ինչ հրահանգներ է տվել Ռոբերտ Քոչարյանը, ինչպես են այդ հրահանգները կատարել Միքայել Հարությունյանը, Յուրի Խաչատուրովը, Սեյրան Օհանյանը, ԼՂՀ ՊԲ հրամանատարական կազմը՝ հերոս ձեւացող էդ մարդիկ, ինչպես է այդ բոլոր գործընթացներին իր մասնակցությունն ունեցել Սերժ Սարգսյանը, որ իր ցուցմունքներում հայտարարել է, թե ինքն էլ նույկերպ կվարվեր, ինչ Քոչարյանը:

Իսկ մինչ այդ, այսքանից հետո դեռ կա մարդ, որ ոչ միայն աշխարհով մեկ ողբ է կապել ու իրեն քաղհալածյալ է ներկայացնում, այլեւ քաղաքականություն վերադառնալուց է խոսում, ընդդիմադիր բեւեռ դառնալուց է խոսում: Ուրեմն ինչ աստիճանի ատելություն պետք է ունենա մարդ ժողովրդին հանդեպ, ինչ աստիճանի պետք է մարդ պաշտի իշխանությունը, կառչած լինի դրանից, գնա հրեշավոր ոճրագործության: Եւ դրանից հետո ինչ աստիճանի ցինիկ ու լկտի պետք է լինել, որ հայտարարի ընդդիմադիր բեւեռ ձեւավորելու, ժողովրդի իշխանության դեմ կրկին դուրս գալու մասին: Նույնը նաեւ դեռեւս մեղադրյալի կարգավիճակ չունեցող, եւ պարբերաբար՝ հարցազրույցներով ՛՛սպառնացող՛՛ էն մյուսի՝ մերժվածի մասին:

Մի բան էլ, ու վերջ.
եթե այսքանից հետո ավելի խորանա Հայաստանցի-ղարաբաղցի բաժանումը, մեղավորները, կարծում եմ, հասկացաք, թե ովքեր են: Այն երկու հոգին, որոնց՝ Հայաստան գալով սկիզբ դրվեց էդ բաժանմանը:

Հ.Գ. հիմա ավելի պարզ դարձավ, թե ինչու բացահայտ ու թաքնված քոչարյանական քարոզչամեքենաները թույլն են ծորում ՀՀ առաջին նախագահ Լեւոն Տեր-Պետրոսյանի հասցեին, ինչու են իրենց կյանքի նպատակը դարձրել նրան վարկաբեկելը: Բայց սա խոսակցության ուրիշ թեմա է:

Արման Գալոյան

 Լուսանկարներ

  Կիսվեք սոցցանցերում


 Պիտակներ
         Արման Գալոյան, Մարտի 1-ի գործ

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon