«168 ժամ». Պարզապես ռուսական գործոնն ան­հանգստացնող է

Մամուլ 07.02.2019   09:25   64

  • »»» Աջակցեք անկախ լրատվամիջոցների կայացմանը

    Հայաստանյան նոր իրավիճակում Անկախ լրատվամիջոցների գոյությունն օրվա հրամայական է դարձել՝ հակադարձելու ամենօրյա սուտ ու կեղծիք տարածող նախկին իշխանությունների ձեռքերում կենտրոնացած մեդիադաշտին և անաչառ լրատվություն ապահովելու համար։ Անկախ են այն լրատվամիջոցները, որոնք գործում են ինքնաֆինանսավորմամբ։ Սակայն բարեխիղճ լրատվամիջոցները չեն կարող ունենալ նախկինների ֆինանսական հնարավորությունները, ուստի առաջարկում ենք. Աջակցեք մեզ՝ փոխանցում կատարելով հատևյալ հաշվեհամարներից Ձեզ համար տարբերակով.

    InecoBank 2050032180751001 ARMEN GEVORGYAN PE Mobi Dram  110190189022 Idram  ID952381517 Web Money  R397182815590, Scrill  109516795

    ԱՋԱԿՑԵՔ ԱՆԿԱԽ ԼՐԱՏՎԱՄԻՋՈՑՆԵՐԻ ԿԱՅԱՑՄԱՆԸ։

    Եթե իսկապես ցանկություն ունեցաք աջակցել կայքին, մի զսպեսք այդ ցանկությունը։

Օրերս Երևանում ՌԴ ԱԳ նախարարի տեղակալ Գրի­գորի Կարասինը նշել էր, որ Մաքսային կարգա­վորման վերաբերյալ 2011թ. ռուս-վրացական համաձայնագրի իրականացումը թույլ կտա ՀՀ-ից ապրանքների համար տարանցիկ ևս մեկ միջանցք բացել: «Մենք մտադիր ենք իրակա­նացնել մեր պարտավորությունները: Շատ կարևոր է լինելու եռակողմ կոմիտեի առաջին հանդիպումը՝ Շվեյցարիայի, Վրաստանի և Ռու­սաստանի Դաշնության ներկայացուցիչների մասնակցությամբ: Նման հանդիպում տեղի կու­նենա փետրվարին Ժնևում»,- ասել էր Գ.Կարասինը:

Միևնույն ժամանակ նա նշել է, որ տարա­ծաշրջանում խնդիրներ կան, առկա են մի շարք պետությունների քաղաքական կարգավիճակի վերաբերյալ տարաձայնություններ, կա Հարա­վային Օսիայի խնդիր, որտեղով պետք է անցնի միջանցքը: «Սա նուրբ հարց է, որը մենք կքննարկենք»,- նշել էր Գ.Կարասինը:

Ուշագրավն այն է, որ, թեև կողմերն այս համաձայնագրով որոշել, են զերծ մնալ քաղաքա­կան դիսկուրսից Աբխազիայի և Հարավային Օսիայի կարգավիճակի շուրջ, «Կոմերսանտի» հոդվածում անանուն ռուս պաշտոնյան ակնարկում է, թե որն է այս համաձայնագրի գլխա­վոր նպատակներից մեկը, ինչը լուրջ քաղաքա­կան խնդիր է Վրաստանի համար. «Ըստ էու­թյան, համաձայնագրով ստանձնած պարտավորությունները Վրաստանին հարկադրում են Աբխազիան և Հարավային Օսիան ճանաչել որպես ինքնուրույն մաքսային տարածքներ»: Նրա խոսքով՝ համաձայնագրի գլխավոր իմաստն այն է. որ 2008 թվականից հետո «Վրաստանի նոր մաքսային սահմանները գծված են»: Սակայն վրացական կողմը նման մեկնաբանությանը կտրականապես համաձայն չէ: «Սկզբունքորեն սխալ է հարցն այս կերպ դնելը: Սա նշանակում է թեման նախօրոք փա­կուղի մտցնել: Մենք քաղաքական բանավեճի մեջ չենք մտնում և ամեն կերպ սուր անկյունները շրջանցում ենք»,- նույն լրատվամիջոցի հետ զրույցում ասել է Վրաստանի վարչապետի հա­տուկ ներկայացուցիչ Զուրաբ Աբաշիձեն:

Հիշեցնենք, որ մեկ տարի առաջ Վրաստանի նախկին վարչապետ Գեորգի Կվիրիկաշվիլին հայտարարել էր, որ ֆորսմաժորային իրավիճակներում Հայաստանը կարող է օգտվել տրանսպորտային ուղիներից Աբխազիայով և Հարավային Օսիայով Ռուսաստանից ապ­րանքների ներկրման համար, որը մեծ դժգոհության պատճառ էր դարձել վրացական հասա­րակությունում և ընդդիմության շարքերում:

«168 ժամի» հետ զրույցում վրացի քաղա­քագետ Սոսո Ցինցաձեն ասաց, որ համաձայնագրի վերջնականացումն արհեստականորեն ձգձգվում էր Մոսկվայի կողմից Թբիլիսիի, ինչ­պես նաև օկուպացված Աբխազիայի և Հարա­վային Օսիայի իշխանություններից հավելյալ դիվիդենտներ քաղելու, ինչպես նաև այն բանի համար, որպեսզի անուղղակիորեն Թբիլիսին Աբխազիան և Հարավային Օսիան առանձին մաքսային գոտիներ ճանաչի՝ դրանով իսկ ըն­դունելով անկախությունը: Ըստ նրա սա, իհար­կե, անընդունելի է Վրաստանի հասարակու­թյան և մի շարք քաղաքական շրջանակների համար, ուստի այս համագործակցությունը պետք է շատ ավելի թափանցիկ դառնա հասա­րակության համար, քանի որ միայն ակնարկն առ այն, որ համաձայնագրի նպատակը Ռու­սաստանի և Աբխազիայի ու Հարավային Օսիայի հետ բեռնափոխադրումների վերահս­կողությունն է, չի բավարարում հասարակու­թյանը, և անհիմն ենթադրություններից խուսա­փելու համար այս ամենն ավելի թափանցիկ պետք է լինի:

«Իհարկե, կոմիտեի առաջին եռա­կողմ նիստը, եթե մանրամասներ հաղորդվի, կհստակեցնի այն հարցը, թե երբ կսկսի շվեյցա­րական ընկերությունը մոնիտորինգը, և ինչ հնարավորություններ կստեղծվեն Հայաստանի համար: Սա նուրբ քաղաքական խնդիր է Վրաստանի համար, քաղաքական ազդեցության ընդլայնման փորձ ՌԴ-ի համար, ուստի Վրաս­տանի իշխանություններից է պահանջվում զգո­նություն, որպեսզի այս ցավոտ թեման և Վրաս­տանի ազգային շահերը չստորադասվեն չգի­տակցված սխալի արդյունքում: Այն, որ Վրաս­տանի ներկայացուցիչը խոսում է ճանապարհ­ներն ավտոմատ բացելու պարտավորության բացակայության մասին, նշանակում է, որ շատ քաղաքական հարցեր դեռ կարգավորված չեն, և քննարկումները կշարունակվեն: Անձամբ գտ­նում եմ, որ սա միայն մեկ կամ երկու նիստով հանգուցալուծվող հարց չէ, քանի որ հարմար պահի ռուսական կողմը ցանկանալու է Հարա­վային Օսիայի և Աբխազիայի անկախության հարցը փաթաթել Թբիլիսիի վրա, որն անընդու­նելի է, և վստահ եմ, որ դա վրաց իշխանությունները հասկանում են: Այնպես որ, Հայաստանի համար այլընտրանքի հնարավորություն կա, բայց ըստ իմ այն մշուշոտ է»,- ասաց Ցինցաձեն:

Իր հերթին մեկ այլ վրացի վերլուծաբան Կախա Գոգոլաշվիլին, ասաց, որ Հայաստանի հա­մար տարածաշրջանային առևտրի խորացման և ակտիվացման շատ ավելի լավ կոմբինացիա­ներ կան, քան այս տարբերակն է, որով խորա­նալու է ՌԴ-ի ազդեցությունը տարածաշրջա­նում, իսկ թե այդ ամենից ինչ են ստանալու մյուս բոլոր կողմերը դեռ ակնհայտ չէ: «Ես բազմիցս նշել եմ, որ Վրաստանը ցանկանում է աջակցել, որպեսզի ՀՀ-ն դուրս գա աշխարհաքաղաքական խնդիրների պատճառով հայտն­ված տարածաշրջանային շրջափակումից, կամ դրա ազդեցությունը թուլանա: Վստահաբար նման այլընտրանքը հավելյալ հնարավորու­թյուն կդառնա ՀՀ-ի համար: Բայց Հայաստանը շատ ավելի լայն հնարավորություններ ունի այլ պրոյեկտներով ակտիվացնելու իր տնտեսու­թյունը, ինչպիսին Իրան-Հայաստան-Վրաստան տարանցման ուղու մասին գաղափարն է և հաղորդագցության այն ուղիները, որոնք այս տարածաշրջանում զարգացնելու ուղղությամբ մի­ջոցներ է ներդնելու Եվրոպական միությունը: Այդ մասին արդեն հայտարարվել է՝ և Վրաստանում, և ՀՀ-ում ԵՄ-ն մեծ գումարներ է ներդնելու հաղորդակցության ուղիները զարգացնելու և նոր ուղիներ բացելու համար: Ֆինանսական նոր հատկացումները հենց այդ ծրագրերի հա­մար են հատկացված: Ուստի Հայաստանը, ինչ­պես նաև Վրաստանը պետք է իրականացնեն այդ ամենը, որը դուրս կբերի տարածաշրջանը ՌԴ-ի ազդեցությունից: Սակայն այս ուղիները ևս կարող են օգտակար լինել տարածաշրջա­նին, պարզապես ռուսական գործոնն ան­հանգստացնող է»,- ասաց Գոգոլաշվիլին: Նա ևս այն կարծիքին է, որ չնայած մտադրությանը քաղաքական խնդիրները հեռու պահել այս համածայնագրից, քաղաքական բաղադրիչն առկա է ու դեռ զգացնել է տալու:

Ամբողջական՝ թերթի այսօրվա համարում

 Լուսանկարներ

  Կիսվեք սոցցանցերում


 Պիտակներ
         Սոսո Ցինցաձե, Կախա Գոգոլաշվիլի, «168 ժամ»

 Նմանատիպ նյութեր

 Մեկնաբանություններ 0
Имя *:
Email:
Подписка:1
Код *:

  НОВОСТИ ПАРТНЕРОВ
Copyright © 2015 NewsLine. Design created by Fon